|
|
Երևանի թատրոնի և կինոյի պետական ինստիտուտը հանրապետության միակ մասնագիտական բարձրագույն ուսումնական հաստատությունն է, որը մասնագետներ է պատրաստում թատրոնի, կինոյի, հեռուստատեսության բնագավառում:
Երևանի թատրոնի և կինոյի պետական ինստիտուտում դասավանդում են թատրոնի, կինոյի և հեռուստատեսության լավագույն մասնագետներ` ժողովրդական և վաստակավոր արտիստներ, հանրապետական և միջազգային մրցույթների դափնեկիրներ, արվեստի և գիտության վաստակավոր գործիչներ, գիտության դոկտորներ և թեկնածուներ, պրոֆեսորներ, դոցենտներ:
Ինստիտուտն ունի մասնագիտական հարուստ գրադարան, ընթերցասրահ, արվեստի կաբինետ, ուսանողնական թատրոն, տաղավարներ նկարահանումների համար, պարի սրահներ, ֆիմադարան, ձայնադարան, տեսասրահներ և անհրաժեշտ այլ մասնագիտական ստորաբաժանումներ: Գործում է ուսանողական խորհուրդ: Հրատարակվում է ”Հանդես” գիտական ուսումնասիրությունների ժողովածուն:
ԵԹԿՊԻ ուսումնագիտական գործընթացը Թատրոնի և կինոյի ֆակուլտետի կազմում իրականացնում են հիմնական կառուցվածքային ստորաբաժանումները` ամբիոնները:
- Դերասանի վերպետության և ռեժիսուրայի ամբիոն
- Կինոարվեստի ամբիոն
- Արվեստի պատմության և տեսության ամբիոն
- Բեմական խոսքի, բեմական շարժման և մեներգի ամբիոն
- Հումանիտար առարկաների ամբիոն
2004 թվականից ընդունելություն է կատարվում բակալավրի կրթական ծրագրով ”Դերասանական արվեստ”, ”Ռեժիսուրա”, ”Կինոօպերատորություն”, ”Գրական ստեղծագործություն”, ”Թատերագիտություն”, ”Կինոգիտություն”, ”Պարարվեստի ռեժիսուրա” և այլ մասնագիտությունների գծով, իսկ 2008 թվականից` նաև մագիստրոսի կրթական ծրագրով: Բարձր առաջադիմությամբ ուսումնառած սովորողներն ուսումը կարող են շարունակել ասպիրանտուրայում “Թատերական արվեստ, կինոարվեստ, հեռուստատեսություն” մասնագիտությամբ:
2007 թվականից որոշ մասնագիտությունների գծով ընդունելություն է կազմակերպվում հեռակա բաժնում:
Հանրակրթական դպրոցների ավարտական դասարանների աշակերտների և շրջանավարտների համար գործում է նախապատրաստական բաժին:
Երևանի թատրոնի և կինոյի պետական ինստիտուտն ունի մասնաճյուղեր Գյուրիում, Վանաձորում, Գորիսում:
|
|
|
|
|
