Կրթության երկաստիճան համակարգը
Համաձայն «Բարձրագույն և հետբուհական մասնագիտական կրության մասին» ՀՀ օրենքի` Հայաստանի Հանրապետությունում սահմանվել է բարձրագույն մասնագիտական կրության երկաստիճան որակավորման համակարգ. առաջին աստիճանում` բակալավրի որակավորում, երկրորդ աստիճանում` մագիստորսի որակավորում:
Բակալավրը` բարձրագույն մասնագիտական կրթության որակավորման աստիճան է, որը շնորհվում է միջնականգ (լրիվ) ընդհանուր կրթություն ունեցող և առնվազն քառամյա բարձրագույն մասնագիտական կրթական ծրագրերին համապատասխան ատեստավորված անձանց:
Մագիստրոսը` բարձրագույն մասնագիտական կրթության որակավորման աստիճան է , որը շնորհվում է բակալավրի կամ դիպլոմավորված մասնագետի աստիճան ունեցող անձանց` երկամյա բարձրագույն մասնագիտական կրթական ծրագրի ատեստավորման արդյունքով:
ԵԹԿՊԻ բակալավրի և մագիստրոսի կրթական ծրագրերը
ԵԹԿՊԻ բակալավրի և մագիստրոսի կրթական ծրագրերը
Երևանի թատրոնի և կինոյի պետական ինստիտուտում բակալավրի կրթական ծրագիր իրականացնելու համար սահմանված տևողությունը 4 տարի է, որոշ մասնագիտությունների դեպքում` 5 տարի:
2007-2008 ուսումնական տարվանից բոլոր մասնագիտություններով բակալավրի կրթական ծրագիրն իրականացվելու է 4 տարի տևողությամբ, իսկ մագիստրոսի կրթական ծրագիրը` 2 տարի տևողությամբ:
2007-2008 ուսումնական տարում ինստիտուտն առաջին անգամ շրջանավարտներ է տալու բակալավրի կրթական ծրագրով, և 2008-2009 ուսումնական տարում առաջին անգամ կազմակերպելու է ընդունելություն մագիստրատուրայում:
Կրեդիտային համակարգը
2007-2008 ուսումնական տարվանից ԵԹԿՊԻ բոլոր մասնագիտությունների գծով ուսումնառությունը կազմակերպվել է կրեդիտային համակարգով:
Կրեդիտը դասընթացի (կրթական մոդուլի) ավարտելու և դրա ելքային արդյունքները ձեռք բերելու համար ուսանողից պահանջվող ժամաքանակով արտահայտված ուսումնական բեռնվածքի չափման պայմանական միավոր է, որը տրվում է ուսանողին նախանշված կրթական արդյունքների դրական գնահատումից հետո:
Նոր համակարգի ներդրման և առավել արդյունավետ գործարկման նպատակով բուհում ստեղծվել են հապատասխան կարգեր, նոր տեսակի ձևաթղթեր, ուսանողների հաճախումները և ընթացիկ գնահատումները գրանցելու համար մատյաններ:
Ֆակուլտետի դեկանատը յուրաքանչյուր ուսանողի ընդունման պահից վարում է ակադեմիական տեղեկագիր, որտեղ գրանցվում են ուսանողի վաստակած կրեդիտները և գնահատականներն ըստ կրթական մոդուլների և կիսամյակների: Յուրաքանչյուր կիսամյակի արդյունքներից հետո նշվելու են տվյալ կիսամյակի և մինչև ուսման տվյալ ժամանակահատվածը ուսանողի առաջադիմությունը ամբողջացնող տվյալները:
Յուրաքանչյուր քննությունից հետո դեկանատը հայտարարությունների տախտակին հրապարակում է տվյալ քննության արդյունքները: Կիսամյակի ավարտին հրապարակվում են ամբողջական և ամփոփված տվյալներ` յուրաքանչյուր ուսանողի վաստակած կրեդիտները և միջին որակական գնահատականները:
Ասպիրանտուրա
Ասպիրանտը բարձրագույն մասնագիտական (մագիստրոսի, դիպլոմավորված մասնագետի) կրթություն ունեցող հետբուհական կրթական ծրագրով ուսումնառությունն ասպիրանտուրայում շարունակող և գիտությունների թեկնածուի գիտական աստիճանի հայցման նպատակով ատենախոսություն պատրաստող անձ է, որը հետբուհական մասնագիտական կրթական ծրագրով ատեստավորման արդյունքում կարող է ստանալ հետազոտողի որակավորման աստիճան:
ԵԹԿՊԻ ընդունելություն է կատարում ասպիրանտուրայում “Թատերական արվեստ, կինոարվեստ, հեռուստատեսություն” մասնագիտությամբ: Ընդունելության մասին հայտարարությունը հրապարակվում է մամուլում, փակցվում է ինստիտուտի հայտարարությունների տախտակին:
Երկրորդ մասնագիտություն ստանալու կարգը
Երկրորդ բարձրագույն մասնագիտական կրթություն ստանալը կազմակերպվում է կիսամյակային (կրեդիտային) սկզբունքով: Առաջին և ավարտական կուրսերում երկրորդ բարձրագույն մասնագիտական կրթություն չի կազմակերպվում: Հավակնորդների դիմումները քննարկվում են կիսամյակների ուսումնական պարապմունքներին նախորդող երկու շաբաթների ընթացքում:
Երկրորդ բարձրագույն մասնագիտական կրթությունը իրականացվում է միայն վճարովի սկզբունքով:
Ոչ պետական չհավատարմագրված բուհերի շրջանավարտներին չի թույլատրվում ստանալ երկրորդ բարձրագույն մասնագիտական կրթություն պետական կամ հավատարմագրված բուհերում:
Հեռակա ուսուցում
2007 թվականին առաջին անգամ ընդունելություն է կատարել հեռակա բաժնում` «Պարարվեստի ռեժիսուրա» մասնագիտությամբ:
Հեռակա ուսուցման ձևը նախ և առաջ կրություն ստանալու ցանկություն ունեցող և արդեն իսկ մասնագիտությամբ աշխատող երիտասարդների խնդրանք-պահանջն է: Նախատեսվում է ընդլայնել հեռակա բաժնի մասնագիտությունների ցանկը:
Հեռակա բաժնում ընդունելության մասին կարող եք տեղեկանալ
|
|
